Cerito lamo, dibuang sayang… (part-3), Door Paking-paking

Minggu, 16 April 2006 – Oleh : admin

Uiiiiiiiii la lamo nian dak denger kato2 itu Hen, Door Paking – paking… Hahahahahaha
……….
Maya

Oiiii May ruponyo kau dulu galak men eker pake buah bantol yo??? kalu keno kaki langsong…DOOOOOOOOORRRR PAKING-PAKING!!! laju lah buah bantol tu di sambit jauh2…heheheheh
……….
Henry

Iyo nian Hen, langsung di untal ke ekar kito tu jauh2 jauh Olenyo doooor te PAKING PAKING hahahahahahaha
Di rumah aku dulu BK 113 tu skr buah bantol samo buah tanjungnyo la ilang, Ini na foto rumah BK 113 tahun 2004. Laju budak 2 skr dak ngerti DOOOOR te PAKING PAKING… HAHAHAHAHAHAHAHA
……….
Maya

Aku inget dulu kalu ado sembayang dirumah kau aku galak nyari buah bantol terus dikocek (baunyo bae sampe sekarang masih aku inget) terus di bijinyo oles tinta biru kadang kadang smo si Wendi galak kito pukol2 pake stick golf sekarang bekas rumah kau tuh la lain yoo?
……….
Henry

Oi la lamo nian aku dak denger door paking paking tuh………… pokoknyo, kalu kami la maen buah bantol tuh …. si ketek tula jagonyo, madai kalu la door paking2x tuh ,,, buah bantol disambitkenyo ke pager buluh buluh , makmano nak menang lagi ….. kalu betinonyo si Maya yg jagok.
Kalu buah tanjung tuh pecaknyo la ngetrend nian jaman dulu di plaju… ha ha ha
Masih inget dak pemaen bola Pertamina plaju dulu ( kalu jaman Shell dak salah Hop kal yeee ? ) ….. kipernyo Wanjani , backnyo Timuk , penyerangnyo Busro, SUtiyo… kalo tukang halo halonyo dulu Pak Suyono bgn ORR …. ha ha ha , baru inget aku Kalo nak puaso , lebaran … mulai la mercon tu bikin dewek………. dari jari jari pelek sepeda, baru isinyo , korek api batangan itu na………… Alangke banyak kreatipnyo budak budakni dulu yee……..ha ha ha
……….
Nasir

Disekolah duluuuuu………… kalu dak nyimak keno sambit penghapus papan tolis……!
……….
Henry

Iyo Hen memang bener awak tu,… aku pernah disambit oleh Pak Tobing,… waktu di SMP Nasional… kareno ndak nyimak dio.
……….
Robert

Pleta……k !! keno sambit pak Arifin….
……….
Indah

Oiii…… samo keno sambit oleh ibu Zainab……., P Arifin…… di tempelengnyo…… gara2 ribut….. dio lagi sakit gigi,,,,,, ha ha ha
……….
Djarot

ekkekkekkekkek … aman dak salah memang hobinyo, di kami kapur tulah … men lagi kesel baru penghapus papan tu. Aku inget kami dulu kepergok di WC minta ijin ngomongnyo, tapi beliau tunggu-tunggu kami dak nongol … naaaa didatengi lantak keno kekek galo kami. Besoknyo kucubo lagi … diem bae beliau ha ha ha ha bengak pikirnyo tu kendak-kendak kaulah.
……….
Wisnu

Kemaren lagi ketemu Wendy, dio cerito lagi kito di SMP. Dio duduk depan Barbara Hutapea. ‘kan waktu itu korsi sekolah pake besinyo Pertamina yang pacak diputar-putar itu. Jadi kalu gurunyo dak nyingok diputernyaloh bangkunyo, lalu ngobrol samo Barbara.

Eehh lagi Pak Perak Ahmad (ini guru yang termasuk icon SMP Nasional jugo) lagi ngajar, Wendy lagi puter ke belakang.. langsung dipanggilnyo: “Eeehhh, sini kau..SELONTOK KERING!!!” lalu si Wendy disuruhnyo gawak korsinyo ke depan lalu puter-puter sampe pening…!

Pak Perak ni banyak meninggalkan cerito lucu.. waktu dio baru masuk, diajaknyolah kami ni begoco, depan kelas ditunjukkannyo bicepsnyo yang sebesak telok angsa (main dumble pake kaleng margarine diisi semen). Mano brani kami, dio tu lebih besak, guru pulo! Tapi ngajarnyo lemak niaann, kalo crito tentang Sultan Agung (Mataram) waktu nak nyerang Blando, lucu nian, cerita Krajaan tanah Jawo, tapi Sultan Agung samo Blandonyo pake bahaso Plembang campur Komring!! Jadi kito inget bae pelajaran sejarahnyo tu..

Aku dulu sering nian di keke’nyo.. ditempeleng jugo pernah..tapi tu salah aku galo.. soalnyo aku samo si Gogok dulu yang paleng nakal di Kls 2, sampe kami dipisah kelasnyo. Sayang, aku denger Pak Perak lah almarhum.. duso aku samo dio banyak niaann.
……….
Hokky

Hoi sapo2 yang pernah makan pempek si Buyong makan duo ngaku ngambek sikok pecak ilmu yang ado di gambar…ini. Cubo kito hitung2 an yooo??? Dulu tuh rato2 makan pempek si Buyung 4 kali seminggu. Sekali makan ngambek 6 ikok gratis 6 ikok (yang diselip di telapak tangan tuuuhh….)
Naaahhhh sebulan lah ngambek gratis 4x4x6=96 ikok. Setahun jadi 12×96=1152…..ck ck ck ck ck……paling dikit kito langganan samo buyong 6 tahun. Jadi yang kito makan dak bayar 6×1152=6912 ikok…..wah wah wah wah….kalu dulu rato2 harga pempek su Buyong tuh selawe berarti aku ehhhh kito2 nih lah makan selamo 6 tahun sebanyak Rp.172.800.
Kalu hargo tuh 35 tahun yang lalu….kito hitung hargo sekarang nihhh ….kalu rato2 inflasi duet rupiah pertahun 10%. BUngo bank rato2 per tahun 15% (jangan hitong waktu krismon..) berarti hargo duit itu jadi 35th x (10%+15%)=875% Jadi aku ehhhhh salah…kito2 per owong ngutang samo si Buyong Rp.172.800×875%=Rp.1.512.000. hik..ihik..ihikkkk….
AMPUUUNNN BUYOOONG…….
……….
Henry

Oi, alangkah kreatipnyo mang cek ni.
Aku bukannyo dak galak ngaku, tapi se umur-umur di Plaju tu aku dak pernah makan pempek buyung. Sumpah takut nian aku jajan. Mano aku berani jajan, kan dak boleh jajan. Nak jajan duit dari mano??? dak pernah di enjuk duit. Ke sekolah bawa tromel roti samo banyu.

Aku taunyo makan pempek men di beli ke mak aku pempek yg encek2 naek speda gawak sangkek rotan isi pempek. Nah itu aku makan, jadi aku ni slamet dari duso samo buyung.

Duso aku tu di tempat laen. Di parak sekolah aku Saprius maria parak sanggar kan ado tempat pempek. Namonyo sepak raga. Tempat tu tempat kami budak maria nongkrong la. Men disini (SMP jauh dari rumah jadi di enjuk duit) kami galak makan otak2. Kan sepiring isi 10. Men nak makan otak2 bukanyo pelan2 jadi gek pacak di tarok lagi di piring padahal la kopong hahahahahaha.

Sikok lagi tempat Mang Boto di SMA Saprius Bangau. Galak nyepai pempek. Tapi pas taun 2003 kami ni rame2 kami tu ke Plembang sanjo khusus ke Mang Boto dio lagi sakit kami kasih sumbangan, sekalian minta maap samo ngomong itu duit ganti rugi dulu galak nyepai pempek mang BOto. Hahahahaha, la lunas utang aku tu. Cuman sepak raga la dak katek jadi masih ado dusonyo hahahaha.
……….
Maya

Si Maya ni samo bae alimnyo cak si Wendy. Kami dulu jugo dak pernah di kasih duit jajan..dan waktu di SD, kalu ketauan makan pempek buyung depan sipo darat, langsung disetrap Pak Sregar atau Bu Ripda.

Gogok samo aku dulu kebagian ngambek roti pembagian dekat KARSI tu. Karena jatahnyo lebih (maklum dulu di plaju, jaman berkecukupan ransom)..kami disuruh jual lebihnyo. Nak mak itulah, umak-umak kami nii baek, kami ditarget jual di bawah harga real samo tukang ulo (si Aleng masih inget dak??)..jadi selalu ado lebihnyo. Duit lebihnyo tulah yang jadi modal kamu ngirup cuko pempek buyung. Ado lagi sumber penghasilan lain yang dulu kami gaweke. Jualan es mambo, si lengkong, Alfi, Aeng Soetiyoko pernah di line of business ini..upah iket es, lumayan buat jajan (buruh murah waktu tu..).

Pempek yang paleng hebat tu memang yang depan Saprius Bango tu. Cuman mahal, kalu dak dapet tumpangan mobil gratis, duit oplet kami tu dak cukup buat jajan pempek tiap hari, jadi jarang makan di warung encim tu, kalu makan ngotak pulo, sambil jual tampang samo budak betino Sei. Gerong…(jaman kito dulu lanang plaju lebih hebaddd…itu menurut kami..dewek..Ge Er!!).
……….
Hokky

Iyo nian jaman dulu tu yg ngetop si Aleng jualan roti samo warungnyo baba gemuk. Ui girang nian men di ajak ke si aleng, olenyo pacak ke baba Gemuk padahal cuman nyingok2 bae, beli idak hahahahahaha… Tapi terakhir tu si Aleng aku denger masuk penjaro. Ujinyo karno ado banyak utang dak pacak bayar.
……….
Maya

Komentar Pengunjung

6. Buakeng
Selasa, 29 Agustus 2006 – Oleh : F.X. Toha
Shelly, kalu aku dak salah, buaking itu dari bahaso Blando. Aslinyo mungkin “bewaking”..artinyo penjaga..

5. buakeng
Selasa, 29 Agustus 2006 – Oleh : shell amiarno
ado dak yg tau buakeng itu bahaso mano ye..aku lah tepingkel keluar air mato ketawo dewek baco artikel cerito2 lamo..inget maso kecik dulu..

4. hhhhhuahu huk
Senin, 15 Mei 2006 – Oleh : M RODI
pempek buyung tauk dak kamuk tu dio buatnyo pakek celano makaonyao kamuk galak nian

3. Guru Bhs.Inggrisku, Mrs.Simbolon
Senin, 8 Mei 2006 – Oleh : ramli_s
Aku inget nian,waktu itu (taun 70 an) jam pelajaran Bhs inggris oleh Mrs.Simbolon, beliau dak masuk, kalu dak salah ado acara di Greja, (yang dibelakang SMP YPNP, aku lupo apo namo greja itu), kami kesenengan semua, dang enak-enaknyo kelakar diluar kelas… dari jauh kejingo’an Mrs.Simbolon pake kebaya keluar dari Greja nuju kekelas kami…. “You mau korupsi waktu ya”… katonyo. OOOiii..kenia yo nian Mrs.Simbolon, ngesak nian ati kami. Aku kepengen nian ketemu dengen Mrs.Simbolon…. aku pengen sujud cium tangannyo.

2. nambah dikit
Jum`at, 28 April 2006 – Oleh : ketek
kalu dor paking paking itu kalu sudah ditambah masuk kantong buakeng (sekurity plaju dulu) itu alamat dak pacak lagi maen…

1. penyesalan
Kamis, 27 April 2006 – Oleh : ketek
io aku dulu galak beli pempek buyung yang deket sipo itu memang rasonyo ado jugo yang temakan dak sengajo tapi sadar soalnyo perot masih laper duit dak katek soalnyo dulu dak katek duit jajan apolagi nak beli pulsa pecak sekarang..untuk itu aku cuma biso mita maaf ke yg diatas maklumlah masih kecik kecik waktu itu dak tepeker berapolah untung pempek buyung itu…aku pacak beli pempek itu kalu ado duit lebih kalu disuruh belanjo kepasar bae ..kropsi dikit dikitlah